Tilskot kan gjevast til drenering av tidlegare grøfta jordbruksareal. For planerte areal er det ikkje krav om tidlegare grøfting.
Tiltaket må vere gjennomført innan tre år frå vedtaket, og tilskot vert ikkje gjeve for tiltak som er starta før søknaden er godkjent.
Dette kan du søkje tilskot til
Drenering med ei bestemt intensitet, der avstanden mellom grøftene er tilpassa for å sikre tilfredsstillande drenering av eit gitt areal.
Overflateforming der opne grøfter og møneforma teigar mellom grøftene sørgjer for effektiv overflateavrenning.
Omsnuing av jordprofilet på myrareal, der torvjorda vert plassert under og undergrunnsjord vert lagt på toppen. Dette gjev betre bereevne og sikrar drenering.
Usystematisk eller tilfeldig grøfting for å tørrleggje mindre område på jordet.
Grøfter som hindrar vassig frå overliggjande areal i å renne inn på jordbruksarealet.
Det kan ikkje gjevast tilskot til drenering som er ein del av nydyrking med planering, eller tiltak som medfører vesentleg skade på anna eigedom, naturmangfald, flaumsikring eller automatisk freda kulturminne.
Tiltak der dreneringa både kan auke jordbruksproduksjonen og redusere faren for erosjon og overflateavrenning av næringsstoff til vassdrag vert prioritert.
Søknadsprosess
Kommunen utbetalar innvilga tilskot etterskotsvis når tiltaket er gjennomført.
Eit kart med grøfteskisse som viser areal, hovudavløp, kummer og grøfter. Kartet bør også vise naturmangfald, erosjonsutsette område og verdifulle landskapselement.
Svar på tidlegare drenering, behov for drenering, og planlagt arbeid.
Informasjon om den som skal utføre arbeidet, kostnader og anleggsperiode.
I Bremanger kommune er søknadsfristen 15. mars.
Tilskotssatsar
61 kroner per løpemeter, avgrensa til 4 000 kroner per dekar.
Saksgang og behandling
Kommunen mottek og vurderer søknaden. Ved manglar kan søknaden bli avvist.
Søknadar vert prioritert i tråd med gjeldande Strategiplan for miljøtilskot. (PDF, 492 kB)
Meir informasjon
Tilskudd til drenering av jordbruksjord - Landbruksdirektoratet