Bygg og eigedom forvaltar bygningsmassen som er i Bremanger kommune sitt eige. Totalt ca. 45 000 m2. VAR, veg og anlegg omfattar offentleg infrastruktur som vassforsyning, avlaups-handtering, over-vass-handtering, demningar, kommunale vegar og anlegg. Vi har avtale med fleire entreprenørar i høve sommar og vinter vedlikehald på vegane. Handtering av hushaldningsavfall har vi via Nomil IKS.
Reinhald syter for reinhaldet på formålsbygg som oppvekstsenter, helsestasjonar, omsorgssenter og rådhuset.
Hamn utfører forvaltningsoppgåver innanfor eige hamneområde, driftar og vedlikeheld kommunale hamner som Svelgen kai, Leirgulen kai, Smørhamn kai, Kalvåg kai og Kalvåg fiskerihamn. Vi leiger ut tenester innan hamn til andre kommunar og jobbar med utviklingsprosjekt. Kommunen har beredskapslager mot akutt forureining på vegne av Nordfjord IUA der brann har ansvar for vedlikehald og ettersyn.
Brann og redning har ansvaret for feiing/tilsyn, brannberedskap gjennom fire brannstasjonar – Svelgen, Hauge, Kalvåg og Davik. I tillegg har vi depot i Rugsund og i Berle.
Totalt har vi per juni 2024 om lag 37 årsverk innan kommunalteknikk.