Arealoverføring

Arealet som blir overført vil då inngå i den tilgrensande eigedomen (same gards- og bruksnr.), og det er ikkje naudsynt å skrive skøyte på arealet.

Kravet om godkjenning av delinga etter plan- og bygningslova og jordlova gjeld også ved arealoverføring.

Søknaden må innehalde:

• Skjema for søknad om deling av grunneigedom/rekvisisjon av oppmålingsforretning
• Situasjonskart som viser kva areal som skal overførast
• Kvittering/gjenpart av nabovarsel
• Erklæring om arealoverføring

• Kopi av tinglyste pantedokument med erklæring frå pantehavarane om pantefråfall dersom det hefter pant i eigedommen arealet vert delt frå.

Erklæring om pantefråfall

• Må tinglysast på originale pantedokument og bør formulerast slik: «X fråfell pant i arealoverføring mellom gbnr..../... og gbnr..../...... på yyy m²».
• Originale pantedokument skal sendast direkte til tinglysninga.

Kven som kan søkje om arealoverføring:

• Hovudregelen er at heimelshavar (som er oppført i matrikkel som eigar) kan søke.
  Gjeld det festetomt, må både heimelshavar og festar signere.
• Ved frådeling av sameige, må alle heimelshavarar signere.
• Søkjer ein på vegne av heimelshavar, må det ligge føre fullmakt frå heimelshavar om dette. Fullmakta må verte lagt ved søknaden.
• Advokatar kan signere søknad utan fullmakt.
• Ved dødsbu må skifteattest følgje søknaden - og - underskrifta må vere i samsvar med skifteattesten.

Når et firma er heimelshavar, må søknaden signerast av den eller dei som har fullmakt i følgje firmaattesten. Firmaattesten (ikkje eldre enn ½ år) må leggast ved søknaden.