Du kan få parkeringskort som førar av motorvogn eller som passasjer dersom du har særskilde behov.
Parkeringskort for førar:
Parkeringskort vert utstedt til deg som ikkje kan gå eller har store vanskar med å bevege deg over ei viss lengde, og derfor har særleg behov for å kunne parkere nær bustad, arbeid og/eller anna aktivitet. Dette må komme fram i både søknaden din og i legeerklæringa.
Parkeringskort for passasjer:
Dersom du søker om parkeringskort som passasjer, gjeld same vilkår som førar, men i tillegg må du ha behov for regelmessig hjelp av førar utanfor køyretøyet. Dette må komme fram i både søknaden din og i legeerklæringa.
Korleis søke?
Du søker ved å bruke elektronisk skjema eller papirskjema. Saman med søknaden må du levere:
- Legeerklæring som dokumenterer at du ikkje kan gå, eller har store vanskar med å bevege deg over ei viss lengde. Ved søknad som passasjer, må det gå fram av legeerklæringa at du har behov for regelmessig hjelp av førar utanfor køyretøyet.
- Bilete i passfotostorleik.
Søknad om parkeringskort (elektronisk skjema)
Søknad om parkeringskort (papirskjema) (PDF, 3 MB)
Legeerklæring (PDF, 594 kB)
Servicekontoret handsamar søknaden din, ta kontakt med oss for rettleiing.
Parkeringsløyve for forflytningshemma - Statens vegvesen
Forskrift om parkeringsløyve for forflytningshemma