Feiing og tilsyn

Varsel om tilsyn eller feiing blir sendt ut som tekstmelding via Varsling 24, 1-2 veker før, med påminning tett oppunder tidspunktet. Dersom telefonnummeret ditt ikkje er knytt til denne tenesta, eller du har reservert deg mot offentleg digital kommunikasjon, får du dette varselet sendt som brev, anten i postkassa eller via Altinn / Digipost.

Dersom du ønskjer å fjerne eller registrere mobilnummeret ditt, kan du gjere dette på varslemeg.no.

• Sørgje for at eigar eller representant for eigar er til stades under feiing. Dette for at vi skal ta ut sot og vurdere sotmengd og frekvens for feiing.
• Leggje fram stigen synleg slik at vi forstår at den er lagt fram til oss. Du treng ikkje å setje den opp (gjeld dei med takfeiing).
• Sjekke at takstige og eventuell plattform er i forsvarleg stand utan skader.
• Dei som bruker bioparafin skal sørgje for at fyrkjelen er sløkt og fysisk stengt av.
• Stenge luker, ventilar og spjeld.
• Dersom du har leigetakar, må du hugse å gi beskjed om at vi kjem. Det kan hende vi må inn til leigetakar for å ta ut sot.
• Dersom det ikkje er klargjort for feiing, for eksempel manglande taksikring eller ikkje framlagt stige, må du ta kontakt så snart som mogleg. Du kan ikkje rekne med å få ny tid for feiing før neste runde.

Dersom du er usikker på om det er nokon frå brannvesenet som står på døra di, spør oss om ID-kort. Alle tilsette skal bere med seg ID-kort.
 

• Feier skorsteinen.
• Kontrollerer at takstigen og eventuell plattform er fri for skader og oppfyller krava.
• Freser skorsteinen ved behov (dersom det er mykje beksot).
• Tar ut soten og legg denne til eit sikkert stad (soten blir tømd i ein pose som vi legg igjen på eigedommen, vekk frå antennelege materiale. Dersom du har fyrt dei siste dagane før feiinga, må du vente eit par dagar før du kastar denne i restavfall, det kan liggje att glør i fleire dagar etter fyring).
• Dersom du ønskjer å ta ut soten sjølv, er det viktig at dette blir gjort då vi blant anna bruker mengda sot i luka til å bestemme feiefrekvens, og for at vi skal kunne få opna denne under tilsyn.
   

• Sørgje for at eigar eller representant for eigar er til stades under tilsynet.
• Dersom du har tilgjengeleg dokumentasjon/monteringsanvisningar på skorstein og eldstad, er det fint om du finn fram dette.
• Ha fri tilgang til sotluka, då denne må vi opne under tilsynet.
• Informere leigetakarar; dersom delar av fyringsanlegget finst i leilegheita, må vi òg inn dit, for eksempel for å kontrollere sotluka.
   

• Følgjer opp eventuelle tidlegare avvik og merknader, og om desse er utbetra.
• Kontrollerer at eldstader fungerer som føresett, det vil seie at dei er plassert riktig med riktige avstandar til brennbart materiale og brannmur.
• At anlegget er tilfredsstillande vedlikehalde og er fri for skader og feil.
• At det er tilstrekkeleg antal røykvarslarar og manuelt sløkkjeutstyr plassert i bustaden, og at desse følgjer krava.
• At rømmingsvegar er tilgjengelege.
• At det er tilfredsstillande tilkomst til heile fyringsanlegget, det vil seie til sotluka, alle eldstader, sjølve skorsteinen, og tilkomst for feiing via anten loft eller tak.
   

• Brann- og eksplosjonsvernlova
• Forskrift om brannforebygging
• Lokal forskrift om feie- og tilsynsgebyr (PDF, 54 kB)

• Feiing - SMS varsling til kundar (PDF, 252 kB)
• Sjekkliste og kontrollerklæring for installasjon av eldstad (PDF, 19 kB)