Spelemidlar kulturbygg 2024

Tilskot til kulturbygg/spelemidlar til kulturbygg er ei desentralisert støtteordning som lag og organisasjonar kan søkje på. Kulturdepartementet har sett av midlar gjennom spelemiddelordninga for tilskot til kulturbygg.

Tilskota skal bidra til eigna lokale og bygningar som gjev rom for ulik kulturell verksemd. Midlane kan nyttast til nybygg, ombygging og modernisering, men ikkje til vedlikehald eller drift.

Søknaden vert sendt inn gjennom anleggsregisteret og fristen inn til Bremanger kommune er 7 april 2024.

Kommunen går gjennom eventuelle søknader for å sjå at dei stettar krava i tilskotsordinga. De finn retningslinjer og informasjon om ordninga på kulturbygg og -arenaer og på tilskot til kulturbygg i Vestland på nettsidene til Vestland fylkeskommune.