Innspel til verdiskapingsanalyse
Det australske selskapet Fortescue ønskjer å etablere produksjonsanlegg for grøn ammoniakk på Holmaneset i Bremanger kommune. Fortescue utviklar prosjekt i Europa, inkludert i Norge, for å utvikle grøne hydrogen- og ammoniakkprosjekt basert på bruk av fornybar energi; som vasskraft, geotermisk energi, vind og sol.
Etableringa krev større areal enn det som i dag er regulert til industriføremål. Det må difor lagast ny reguleringsplan for området. Sidan utviding av industriføremålet ikkje er avklara gjennom overordna plan (arealdelen til kommuneplanen), er det ønskjeleg å avklare arealbruken gjennom områderegulering før seinare detaljregulering. Bremanger kommune har i sak 10/23 i formannskap vedtatt at det blir starta ein planprosess for områderegulering av Holmaneset.
Vi ber innbyggjarar og næringsliv om å bidra med innspel til verdiskapingsanalysa ved å svare på spørsmål i lenka under. Innspela vil bli oppsummerte i verdiskapingsanalysa. Svara vert handsama anonymt. Frist for innspel er 12. mai 2024.
Publisert av Kristoffer Mandelid Totland
Publisert 25.04.2024 14.02
Sist endra 29.04.2024 08.40