I år var det 80 år sidan 2. verdskrig tok slutt. Men vi skal ikkje gløyme, og vi skal fortsette å løfte historia vi er ein del av.
Vi ynskjer oss meir aktiv bruk av dei krigsminna vi har rundt oss. Vi i kultureininga ynskjer å lyfte interessa for å etablere ei arbeidsgruppe. Eit lag med frivillige som vil vere med å bevare, men óg løfte historia vår.
Alf Haakon Harlem
Kven kan vere med?
Har du interesse for, eller ynskje om å gjere Tongane til ein park som fortel krigshistoria vår? Då kan du vere med.
Kva skal vi som seier ja gjere?
De som seier ja vil vere med på å lage ein plan for korleis utvikle Tongane til ein folkepark. Og så skal vi få arbeidet gjort.
Kor mykje arbeid vil det vere?
Det er tenkt 2-3 møter i året.
Korleis vil laget vere organisert?
Vi blir ei gruppe med frivillige på om lag 8 stk. Ein representant frå kultureininga vil vere med i gruppa.
JA, eg vil vere med, kva gjer eg?
Send ein e-post med di interesse til Renate på renate.johnsen@bremanger.kommune.no og så er du med!