Frontmannen i bremangerbandet Oddny.
Oddny
Utgangspunktet er karrieremessa som Framtidsfylket arrangerer. Hovudarrangementet går frå 10.30 til klokka 16.00 den dagen. Her kjem det aktørar frå heile Vestland fylke, dei fleste med eigen stand i messeområdet i første etasje.
Deretter inviterer Bremanger kommune til eige arrangement i Salong Nina som ligg i andre etasje i Grieghallen.
Fingermat og mingling
Frå klokka 16.00 blir det enkel servering på arrangementet som er planlagd fram til klokka 18.00.
Ordføraren kjem for å fortelje om rekrutteringspakken. I tillegg blir det intervju frå scena med Marita Solvang Bortheim-Mulelid som er ung arbeidstakar i Bremanger.
Etterpå blir det song og musikk.
Oktober Bergen by
Det Bremanger-baserte bandet Oddny blei for alvor kjent med singelen “Oktober, Bergen by”, som fekk mykje speletid på NRK P1, og blei A-lista i fleire veker. Andre kjente låtar inkluderer “Bittelitt” og “Alma”, som også er spelt mykje på radio. Alt framført på poetisk Bremanger-dialekt.
Bandet vant Luttprisen 2024 i kategorien Årets nykomar.
Onsdag 11. februar kan du høyre Iver på Bremanger-arrangementet i Grieghallen. Det er gratis inngang.
Kom å bli kjend med Gode Bremanger og rekrutteringspakken!