Informasjon om samarbeidsprosjekt mellom Linja og Bremanger kommune

Bremanger kommune har, i samarbeid med Linja, starta eit viktig prosjekt for forbetring av infrastrukturen i området. Prosjektet omfattar utskifting og legging av nye rør for vatn og avløp, samtidig som Linja legg nye høgspentkablar. Arbeidet vil strekke seg frå Langeneset Aust til Langeneset Vest.

Omfang av arbeidet 

I denne perioden vil det vere stor aktivitet med bruk av anleggsmaskiner, og enkelte vegar vil bli stengde. Følgjande vegar vil bli råka:

  • Spettebakken
  • Erlevegen
  • Orrevegen
  • Kringomvegen
  • Krokvegen

Vi oppmodar alle til å vise omsyn og følgje oppsette skilting og merking.

Oppdatert informasjon

Vi forstår at dette arbeidet kan medføre ulemper for innbyggjarane i dei aktuelle gatene. Bremanger kommune og Linja vil gje nærare informasjon fortløpande om arbeid som kan råke hus og heim i området. Informasjonen vil bli gjort tilgjengeleg gjennom kommunen si heimeside, sosiale medium og direkte varsel der det er aktuelt.

Kontaktinformasjon

Har du spørsmål eller treng meir informasjon om prosjektet, kan du kontakte 
Bremanger kommune på telefon 99704736 eller e-post inge.rogne@bremanger.kommune.no
Linja på telefon 95244136 eller e-post reidar.hansen@linja.no

Vi takkar for tolmodet og samarbeidet under dette viktige arbeidet, som vil bidra til ein tryggare og meir moderne infrastruktur i kommunen.