Bakgrunn:
Standardforskrift for slamavskiljarar, tette tankar og minireinseanlegg regulerer forholdet mellom NoMil, kommunane og abonnentane. Gjennom standardforskrifta gjev kommunane NoMil løyve til å stå for gjennomføring av ordninga med tvungen kommunal slamordning.
Gjeldande standardforeskrift er sist revidert i samband med kommunereform og gjeldande frå og med hhv. 2016 og 2018. Det har no vore behov for oppdatering av føreskrifta i samsvar med gjeldande regelverk og praksis.
Revidert Standardforeskrift for slamavskiljarar, tette tankar og minireinseanlegg vert no lagt ut på høyring før endeleg vedtak i kommmunane Bremanger, Stad og Gloppen.
Høyringsutkastet byggjer på gjeldande føreskrift, og med forslag om endringar på nokon områder:
- språk, definisjonar
- gjeldande lover og føreskrifter
- NoMil kan gje nærmare rettleiing for gjennomføring av forskrifta sine føresegner, medrekna fastsette detaljkrav
- det er gjort presiseringar knytt til saksgang for klagehandsaming, oppretting av særskild klagenemnd i NoMil, og henvisning til Forvaltningslova og Offentlegheitslova
Styret i Nordfjord Miljøverk IKS sitt framlegg til revidert Standardforeskrift for slamavskiljarar, tette tankar og minireinseanlegg vert lagt ut på høyring på nomil.no og på den einskilde kommune sine heimeside.
Høyringsuttale skal sendast til post@nomil.no eller til Nordfjord Miljøverk IKS, Eidsmona 36, 6823 Sandane.
Høyringsfrist: 20. august 2024
Høyringsutkast - standardforskrift for slamavskiljarar, tette tankar og minireinseanlegg (PDF, 284 kB)