– Det skjer mykje spanande rundt planlegginga av den nye fiskerihamna i Kalvåg, men i ein stor prosess er det også mange brikker som skal falle på plass. Det seier hamnesjef i kommunen, Monica Sande.
Før Kystverket kan lyse ut anbodet og setje i gang arbeidet, må alle dokument kvalitetssikrast grundig. Kystverket opplever for tida stor pågang, og har behov for litt meir tid og ressursar enn planlagt for å gjere denne viktige jobben.
Det er heilt avgjerande for prosjektet at dette blir gjort skikkeleg, slik at ein sikrar gode og trygge løysingar for hamna.
– Vi har ein god dialog med Kystverket for å finne ut nøyaktig når alt er klart, og vi jobbar hardt for at forseinkinga skal bli så kort som mogleg, seier Sande.
– Vi gler oss til å halde dykk oppdaterte så snart vi har ein ny tidsplan på plass, avsluttar ho.