Garfors har over 20.000 følgjarar på Instagram, og har skrive seks bøker.
Reiseverksemda hans inkluderer ei rekkje verdsrekordar, og han har vore intervjua og omtalt av media i over 100 land.
Arrangementet er på Bremanger Fjordhotell onsdag 15. oktober klokka 18.00.
Gunnar Garfors i Jemen.
Har reist i alle verdas land
I Svelgen skal han snakke om kva som er bra med Bremanger, og kva vi som bur i kommunen kan vere stolte av. Det unike med Bremanger.
I 2012 var Garfors med i ein Guinness-rekord som handla om å besøke fem kontinent på eitt døgn. I 2014 sette han ny rekord ved å besøke 19 land på 24 timar saman med to medreisande.
Vinteren 2018 vart sunnfjordingen det første menneske som har besøkt alle verdas 198 land to gonger.
Gunnar Garfors i Nord-Korea.
Fleire reisebøker
Debuten som forfattar kom på Samlaget i 2014 med boka «Mi reise til alle verdas land». Deretter kom «Ete fysst: 18 forteljingar om Sunnfjord», saman med Liv Grimsbø på Selja Forlag.
Etterpå har han publisert fire bøker på Skald forlag i Sogn: «Ingenstad : på tur til verdas minst besøkte land» (Skald, 2019), «Vestlandet : bortom allfarveg : 99 reisetips til ein briljant ferie» (Skald, 2022), «Austlandet: 88 fabelaktige reisetips» (Skald, 2023) og «Mellom linjene: på liv og død langs ekvator og polarsirklane» (Skald, 2025).
Garfors er frå Naustdal, og bur i Oslo. Onsdag 15. oktober kjem han til Svelgen for å snakke om reisene og bøkene sine. Arrangementet er gratis.