Barnefamiliepanelet er ei spørjeundersøking om barn og unge si fritid. Resultatet frå undersøkinga gir kunnskap som kommunane og fritidstilbydarar kan bruke i arbeidet med å legge til rette for betre tilbod, og skape gode lokalsamfunn.
Kvar finn eg undersøkinga?
Invitasjonane til å delta i undersøkinga blir sendt ut på e-post til alle med folkeregistrert adresse i Bremanger kommune og resten av Vestland som har barn i alderen 3 til og med 17 år. Du har eit par veker på deg til å svare på undersøkinga.
Spørsmåla i undersøkinga handlar om ulike forhold rundt fritidslivet til barnefamiliane, slik som barnet sine medievanar og deltaking i kulturaktivitetar, idrett og fritidstilbod, i tillegg til spørsmål om forelderen sine fritidsvanar, økonomi og utdanning.
Det tek om lag 15 minutt å svare på undersøkinga.
Kvifor er undersøkinga viktig?
Resultata frå undersøkinga vil gje eit godt kunnskapsgrunnlag for kommunen, institusjonar og organisasjonar innan kultur, idrett, friluftsliv og andre fritidsområde.
Undersøkinga er relevant for folkehelsearbeidet, drift og planlegging innan kommunen sine ansvarsområde som samfunnsutvikling, oppvekst, helse, velferd og kultur.
Barnefamiliepanelet
Deltakarane i undersøkinga blir ein del av Vestland sitt barnefamiliepanel. I Bergen kommune har barnefamiliepanelet blitt gjennomført fire gongar sidan 2019. Barnefamiliepanelet vart gjennomført i heile Vestland for første gong i 2022 og blir gjennomført for andre gong i juni 2025.
Meir informasjon
Barnefamiliepanelet 2025 i Vestland fylkeskommune