Vassmålar

• Det er ikkje krav om vassmålar for bustadar og fritidsbustadar, men dersom vassforbruket på eigedommen er lite kan det lønne seg å installere vassmålar.
• Alle næringseigedommar og offentlege bygg skal i utgangspunktet ha installert vassmålar. 

Dersom du ynskjer å installere vassmålar må du ta kontakt med ein rørleggjar for å kjøpe og installere vassmålar. Vassmålaren må vere av godkjent type, og installerast av autorisert rørleggjar. Bremanger kommune tilbyr ikkje leige av vassmålar pr i dag, og har såleis ikkje eige gebyr for leige av vassmålar.  

Når du har fått installert vassmålaren, bør du fylgje med på målaren for å oppdage ein eventuell lekkasje. Dette kan vere ein kran som dryp eller at det dryp frå cisternen i toalettet.  

Ved årsskifte må du sjølv lese av vassmålaren og rapportere inn forbruket til kommunen. Dersom det ikkje vert gjort, vil vi gå tilbake til å fakturere for stipulert forbruk.

Rapportering kan gjerast på epost til post@bremanger.kommune.no eller via elektronisk skjema. 

Forbruksgebyret vert då rekna ut frå mengda vatn du har brukt siste året, og blir fakturert etterskotsvis i 1.termin året etter.  

Dersom du skal selje bustad med vassmålar bør du lese av vassmålaren, og kontakte kommunen for å få sluttfaktura på forbruket.