Søkje om fritak eller reduksjon av vass- og avløpsgebyr

For eigedomar som er tilknytt kommunal vassforsyning eller kommunalt avløpsanlegg må det betalast årsgebyr til kommunen. Årsgebyret er todelt, og samansett av ein fast del (abonnementsgebyret) og ein variabel del (forbruksgebyret). 

Forbruksgebyret vert utrekna etter målt eller stipulert forbruk. Stipulert forbruk vert rekna ut frå storleiken på bustaden/fritidsbustaden. 

Dersom bustaden din ikkje skal brukast over lengre tid (eitt år eller meir), kan du søkje kommunen om fritak for årsgebyret. Vassforsyninga skal då fysisk koplast frå kommunalt leidningsnett. Abonnementet opphøyrer når kommunen får melding frå rørleggjar om at anboringa er plombert. Ved ny tilknyting av eigedommen vert det ikkje kravd nytt eingongsgebyr for tilknyting, men abonnenten må ta alle kostnader med fråkopling og ny tilkopling utført i samsvar med kommunale krav. 

For bustad som står tom ein periode kan du søkje om fritak frå forbruksgebyret og berre betale abonnementsgebyr for denne perioden (gjeld forbruksgebyr ut frå stipulert vassforbruk). Bueininga må stå tom minimum eit halvt år for at du skal kunne få reduksjon i gebyret, og du må sende inn skriftleg søknad på førehand.  

For å få reduksjon eller fritak frå renovasjonsgebyret eller slamtømingsgebyr må du sende skriftleg søknad til

Nordfjord Miljøverk IKS 
Eidsmona 36 
6823  SANDANE 
epost: post@nomil.no 

For å få fritak frå slamtømingsgebyret må du leggje ved dokumentasjon frå rørleggjar om at vatnet er avstengt og plombert.  

Eigedomsskatt og årsgebyr for feiing/tilsyn må betalast sjølv om bustaden står tom ein periode.  

• Forskrift om vass- og avløpsgebyr for Bremanger kommune (PDF, 102 kB)
• Forskrift for tømming av slamavskillarar, tette tankar mv. og vilkår om betaling av gebyr, Bremanger kommune, Sogn og Fjordane 
• Forureiningslova  
• Forureiningsforskrifta