Formannskapet er det nest øvste politiske organet i Bremanger kommune.
Formannskapet består av eit utval av kommunestyret sine medlemmar, deriblant ordførar og varaordførar. I Bremanger har formannskapet sju medlemmar.
Frå v.: vara Frank Midtbø, Evy Merete Myklebust, Kjell Sørland, Magne Kjerpeset, ordførar Anne Kristin Førde, Jorunn Petrine Frøyen, Svein Olav SennesetFormannskapet for perioden 2023-2027 er sett saman slik:
- Arbeidarpartiet - 2 medlemmar
- Høgre - 1 medlem
- Industri- og Næringspartiet - 1 medlem
- Senterpartiet - 1 medlem
- Venstre - 2 medlemmar
Leiar i formannskapet er ordførar.
Formannskapet handsamar forslag til økonomiplan, årsbudsjett og skattevedtak.
Dei fleste sakene som skal handsamast i kommunestyret, skal fyrst fremjast for formannskapet, som vedtek innstilling i saka.
Dei har delegert mynde til å
- avgjere saker av prinsipiell karakter når mynda ikkje er lagt til kommunestyret, eit anna organ, eller kommunedirektøren
- fatte vedtak i hastesaker på kommunestyret sitt område
- velje medlemmer til styre råd og utval når lovverket ikkje krev at kommunestyret sjølv skal gjere valet
- vedta planar som kommunen er pliktig å utarbeide, dersom ikkje kommunestyret er vedtaksmynde
- I saker der kommunedirektøren er inhabil
- utøve laupande eigarstyring på vegne av kommunen, inkludert å oppnemne eller føreslå kommunen sine representantar til styrande organ, med mindre anna er bestemt
- å kjøpe, selje og forvalte kommunal eigedom dersom det ikkje er delegert til kommunedirektør, eller er av ein karakter som gjer at det må avgjerast av kommunestyret sjølv
- vedtaksmynde som fast utval i plansaker
I saker der formannskapet har fått delegert mynde frå kommunestyret, kan 2 medlemer eller ordførar før møtet er slutt, krevje saka lagt fram for kommunestyret.
Oversikt over medlemmane i Formannskapet
Lovar og reglar