NVE og Bremanger kommune har mottatt melding med forslag til plan- og utgreiingsprogram frå Zephyr AS om eit vindkraftverk på Myklebustfjellet, Ramsskredfjellet og Handkletua, med tilkomstvegar og tilhøyrande nettilknyting.

Plansaka vert handsama etter plan- og bygningslova av Bremanger kommune og konsesjonssaka vert handsama etter energilova av NVE. 

Meldinga med framlegg til plan- og utgreiingsprogram er utarbeida som felles dokument som er tilgjengeleg på NVE sine nettsider www.nve.no/25734/A og på kommunen si heimeside. På førespurnad er dokumenta tilgjengelege for offentleg ettersyn i hallen på rådhuset i Svelgen. Planområdet er også vist i kommunekartet Bremangerkart (vel Kartlag – Reguleringsplanforslag), og dokumenta i plansaka kan sjåast i det digitale planregisteret arealplaner.no | 202403 > Plandokumenter

Vindkraftverket er planlagd med 180-260 MW og årleg energiproduksjon på 600-750 GWh, fordelt på 30-40 vindturbinar. Samla areal er på ca. 14,9 km2. Tilkomstvegar er skissert frå Guleslettene vindkraftverk og frå Indrehus. Det er planlagd to transformatorstasjonar i planområdet, og 132 kV luftleidning fram til eksisterande nett. Det er skissert fleire alternativ, der hovudalternativet er at delar av produksjonen går mot Magnhildskaret koplingsstasjon, og delar går til Svelgen transformatorstasjon, via Indrehus kraftstasjon. 66 kV-leidninga frå Indrehus kraftverk til Budalen må oppgraderast til 132 kV.

Høyringsfråsegn

Høyringsfråsegn til både oppstart av planarbeid og melding med forslag til plan- og utgreiingsprogram sendast skriftleg til NVE via skjema på www.nve.no/25734/A eller på e-post nve@nve.no (merk med saksnummer 202511824) seinast innan 28. november 2025.

Offentleg møte

NVE og Bremanger kommune held offentleg møte om saka tysdag 21. oktober kl. 18:00. Møtet finn stad i Svelgen Samfunnshus, Gunnar Schjeldrups veg 12c, 6723 Svelgen. På møtet vil NVE og Bremanger kommune orientere om sakshandsaminga, og tiltakshavaren Zephyr AS vil informere om prosjektet. Møtet er ope for alle.

Vedlegg

• Kunngjering (PDF, 179 kB)
• Melding med forslag til plan- og utredningsprogram (PDF, 5 MB)