At matrikkelbrevet er attestert betyr at kommunen skriftleg stadfestar at opplysningane er i samsvar med innhaldet i matrikkelen. Det betyr altså ikkje at kommunen går god for at alle opplysningane i matrikkelen er korrekte. Om du meiner opplysningane i matrikkelen er feil, har du moglegheit til å endre dei, om vilkåra for det er oppfylt.
Kommunen sender deg matrikkelbrev etter fullført oppmålingsforretning
Så snart ei sak etter matrikkellova § 24 er fullført, for eksempel ei oppmålingsforretning, skal du motta matrikkelbrev om din eigedom. Dette er ein dokumentasjon eller ei stadfesting på at resultatet av forretninga er ført i matrikkelen. Eit matrikkelbrev vil vere eit bevis på at du har vore kjent med det som stod i matrikkelen på den datoen. I oversendinga av matrikkelbrevet skal det også opplysast om retten til å klage, og om klagefristane.
Du kan bestille matrikkelbrev ved behov
Du kan også bestille matrikkelbrev hos kommunen ved behov. Kommunen tar då eit gebyr på
- 175 kroner for matrikkelbrev under 10 sider
- 350 kroner for matrikkelbrev over 10 sider
Kva er matrikkel?
Sjå kartverket si nettside om matrikkelen