Grensejustering

• Arealet mellom to eigedomar kan auke eller reduserast med inntil 5 prosent, men maksimalt 500 m².
• Ingen av eigedomane kan gje eit areal som overstig 20 % av eigedomane sitt areal før justeringa (80% av eigedomen sitt areal må ligge i «ro»).
• Eigedomen sin verdi kan ikkje reduserast eller aukast med meir enn grunnbeløpet til folketrygda (1G).
• Areala som vert berørt av grensejusteringa må vere regulert til same formål.  
• Ved større endringar skal det søkjast om arealoverføring.  

Ei grensejustering krev ikkje søknad etter plan- og bygningslova, men du må fylje ut eit skjema der du rekvirerer grensejustering. Grunneigar av begge eigedommane som får endra grense må signere på søknadsskjemaet for rekvisisjon av oppmålingsforretning. 

Søk om rekvisisjon av oppmålingsforretning

• Du må leggje ved eit situasjonskart som tydeleg viser endringa du ynskjer.
• Naboar som har eit eller fleire punkt felles med areala som skal justerast må varslast.  Dette må gjerast før søknad sendast til kommunen og leggjast ved. Skjema for nabovarsel.  

Søknad med vedlegg sendast til kommunen på e-post eller via post.  

• E-post: Post@bremanger.kommune.no  
• Postadresse: Bremanger kommune, Rådhuset, postboks 104, 6721 Svelgen 

Kommunen vil vurdere om søknaden oppfyller krava til grensejustering. Om dette er tilfelle vil partane bli kalla inn til oppmålingsforretning i marka. På forretninga vil eksisterande grenser bli avklart og ny grenser påvist og merka. Etter forretninga vil søkjar få tilsendt matrikkelbrev.  

Oppmålingsforretning skal vere gjennomført innan 16 veker frå kommunen får rekvisisjonen.
Fristen vert forlenga dersom kommunen treng meir dokumentasjon og i vinterperioden. 

Gebyr for oppmåling.