Nabovarsel

Dette må vere med i nabovarselet:

• Skjema for nabovarsel. Dersom det gjeld eit mindre byggjeprosjekt (garasje, tilbygg, bod) kan du nytte forenkla skjema: nabovarsel for privatpersoner
• Situasjonsplan som viser kva du skal byggje og kvar det vert plassert. Situasjonskart kan du t.d ta ut frå kommunekartet 
• Teikningar av tiltaket
• Dersom du søkjer om dispensasjon frå regelverk eller arealplan skal dispensasjonssøknaden også leggjast ved. 
   

Nabovarsel kan leverast på ulike måtar:

• Kontakte naboen personleg. Du må då få signatur på skjemaet for kvittering for nabovarsel eller forenkla skjema: kvittering for nabovarsel levert personlig
• Sende nabovarsel via digitale løysingar, som t.d. e-torg 
• Sende nabovarselet rekommendert via posten. Du må posten til å stadfeste sendinga på skjemaet «Kvittering for nabovarsel» eller forenkla skjema: kvittering for nabovarsel sende rekommandert

Du kan også sende nabovarselet via epost, men då må du be naboen om å sende tilbake ei stadfesting på at varselet er motteke. Kvittering for nabovarsel. Automatisk svar er ikkje tilstrekkeleg dokumentasjon.

Etter at varsla er sendt, skal naboane få minst 14 dagar til å uttale seg om tiltaket. Naboane skal sende kommentarane sine (merknader) til deg. Du skal kommentere eventuelle merknader i byggjesøknaden til kommunen.

 

Dokumentasjon på at naboane er varsla må leggjast ved byggjesøknaden til kommunen. Du må leggje ved:

• Skjema for opplysningar gjeve i nabovarselet 
• Signert kvittering som viser at naboane har motteke varselet, eventuelt kvittering frå digital varsling
• Eventuelle merknader frå naboane
• Dine kommentarar til merknadane frå naboane dersom du ikkje gjer endringar for å imøtekomme merknadane