Enkelte bygg som garasje, bod eller ein annan bygning under 50 m2 kan du under nokre føresetnader byggje utan å søke.
Finn svaret i vegvisar frå Direktoratet for byggkvalitet
Send melding til kommunen når du er ferdig
Når bygget er ferdig, skal du alltid sende melding til kommunen om bygninga og plasseringa slik det er utført.
Dette gjer du ved å fylle ut:
Meldinga med vedlegget skal sendast til
post@bremanger.kommune.no. Du kan også sende det per post til: Bremanger kommune, Postboks 104, 6721 Svelgen.
Korleis søkje om løyve til tiltak du sjølv kan stå føre
Denne informasjonen er tilpassa søknad om tiltak utan ansvarsrett, dvs. der du som privatperson sjølv står ansvarleg for arbeidet. Det kan også vere eit godt utgangspunkt for meir kompliserte søknader.
Korleis lage ein byggjesøknad
Når du har gått gjennom punkta under vil du vere klar til å sende inn søknaden.
I søknaden må du leggje ved eit kartutsnitt der du har teikna inn tiltaket. Kartutsnitt kan du ta ut frå kommunen si kartløysing. Hugs å skrive på avstand til nabogrense(r), vegar og andre bygningar. Kartutsnitt er ikkje nødvendig dersom du berre skal gjere innvendige arbeid eller fasadeendring som ikkje endrar bygget sitt arealet.
Teikningane skal helst vere i målestokk 1:100 og vere utført fagmessig. Nødvendige teikningar vil vere plan-, snitt- og fasadeteikningar. Alle fasadar som skal endrast må visast. Ved tilbygg må dette teiknast saman med eksisterande bygning. Hugs at også eventuelle endringar i terrenget må visast på teikningane. I enkelte tilfelle bør du også legge ved teikningar som viser eksisterande situasjon, slik at det blir enklare for sakshandsamar å sjå kva som blir skal endrast. Fasadeteikningar for eksisterande bygg kan du eventuelt erstatte eller supplere med bilder.
Viss tiltaket ikkje oppfyller krav i arealplan eller regelverket (f.eks. avstand til veg, grad av utnytting, byggjegrense, gjeldande reguleringsføresegner o.l.) må du søkje om dispensasjon. Søknad om dispensasjon må leggjast ved byggjesøknaden som eige skriv. Dispensasjonssøknaden må også nabovarslast saman med tiltaket. Viss du må søkje om dispensasjon vil sakshandsamingsfristen bli lenger enn 3 veker.
Viss du ynskjer å plassere eit nybygg eller tilbygg nærare felles nabogrense enn 4 meter, må du enten ha skriftleg samtykkje frå nabo eller søkje om dispensasjon frå avstandskravet i plan- og bygningslova. Frittliggande bygning under 50 m² kan i visse tilfelle plasserast 1 meter frå nabogrensa.
Eventuell vassforsyning, bortleiing av avløpsvatn og tilkomst må vere sikra og dokumentert ved innsending av søknaden. Ny eller endra avkøyrsle frå offentleg veg er søknadspliktig.
I skjemaet skriv du inn relevante opplysningar og opplyser om kva du skal gjere. Legg gjerne ved eit følgjebrev viss det er vanskeleg å forklare godt nok i skjemaet. For mindre byggjeprosjekt er det utarbeidd enklare søknadsskjema. Desse kan du finne på Direktoratet for byggkvalitet
Når søknaden er komplett kan du sende denne til
post@bremanger.kommune.no
Du kan også sende det i posten til:
Bremanger kommune, Postboks 104, 6721 SVELGEN
Når søknaden er komplett kan du sende denne til:
post@bremanger.kommune.no
Du kan også sende det i posten til:
Bremanger kommune, Postboks 104, 6721 SVELGEN.
Tidsfristar og priser
Tidsfristane for kommunen si sakshandsaming er avhengig av fleire forskjellige forhold. For tiltak som krev dispensasjon, tiltak der nabo har merknader og når det er nødvendig å innhente uttalar frå andre myndigheiter.
Du må betale gebyr for å få handsama byggjesøknad. Gebyret må betalast sjølv om du skulle få avslag på søknaden. Dersom søknaden har manglar kan det også bli tillegg i gebyret.
Gebyrregulativ
Innsyn i byggjesaker
Byggje-, dele- og plansaker er tilgjengeleg i kommunen si innsynsløysing
Korleis klage på eit byggjevedtak
Kven kan klage og kva er fristen for å klage
Ferdigattest og bruksløyve
I saker som tiltakshavar sjølv står føre (tiltak utan ansvarsrett) er det tiltakshavar som sjølv skal sende inn søknad om ferdigattest.
For tiltak med krav om ansvarlege føretak er det stort sett ansvarleg søkjar som sender søknad om mellombels bruksløyve eller ferdigattest. Ved tiltak med krav om ansvarlege foretak må søknad om mellombels bruksløyve og ferdigattest ha desse vedlegga:
- Sluttrapport for avfall (berre ved rivingstiltak eller bygging av større bygg)
- Gjennomføringsplan
- Dokumentasjon på plasseringa av tiltaket
Dersom det er gjort mindre endringar frå opprinneleg løyve, som ikkje er søknadspliktige, må dette leggjast ved søknaden:
- Oppdatert situasjonsplan
- Oppdaterte teikningar
- Dokumentasjon på plassering av tiltaket slik det er utført
Informasjon om søknad om ferdigattest eller mellombels bruksløyve