Den som mottek tilskotet må:

• Vere eigar av bustaden (minimum 50% eigardel)
• Busetje seg i bustaden og stå med folkeregistert adresse i Bremanger kommune.
• Vere førstegongsetablerar i Bremanger kommune.
• Vere under 50 år gamal. 

Tilskotet vert gjeve med pant i bustaden, og vert nedskrive med 20 % kvart år.Dersom søkjar flyttar frå kommunen innan 5 år frå tilskotet er utbetalt, må del av tilskotet som ikkje er avskrive betalast tilbake til kommunen.

Søkjar kan ikkje vere busett i bustaden før søknadstidspunktet. 

Bustaden skal ikkje nyttast til næring eller kortidsutleige som Airbnb og liknande. Ein husstand kan berre få eitt tilskot, og berre ein gong. Ved tilskot til bygging av bustad må bygginga vere begynt innan 1 år etter innvilga tilskot. Dersom ikkje, fell tilskotet bort.

Det vert ikkje gjeve nytt tilskot til nybygg etter brann eller anna form for skade som blir dekka av forsikringar. 

Utbetaling av tilskotet skjer etter:

• Framlagt ferdigattest for nybygg
• Tinglyst kjøpekontrakt av bustad/leilegheit/Dokumentert heimelsovergang

Søkjar må vere registrert busett i kommunen og busett i bustaden ved utbetaling av tilskotet. 

Ordninga gjeld for:

• Nybygg med søknad om byggeløyve datert etter 01.01.2024.
• Kjøp av hus/leiligheit med heimelsoverføring etter 01.01.2024. 

Du søkjer ved å bruke elektronisk søknadsskjema.

I søknaden må du legge ved skattemelding frå siste tre år.

Søk om bustadtilskot

Det er ikkje sett noko søknadsfrist. Søknadar vil bli handsama fortlaupande. 

Søknaden vil bli handsama og det vil bli gjeve tilsagn om tilskot dersom søknaden stettar alle føresetnadar for tilskotet i forhold til retningslinjene. Eigarane av bustaden må signere på eit pantedokument for tilskotet, der det går fram at tilskotet vert avskrive med 1/5 kvart år etter tildeling. Når kommunen har motteke signert pantedokument betalar vi ut tilskotet til kontonummeret som er oppgjeve i søknaden.  

Dersom søkjar flyttar frå kommunen innan 5 år frå tilskotet er utbetalt må del av tilskotet som ikkje er avskrive betalast tilbake til kommunen.  

Vedtak om avslag på tilskotssøknad er einskildvedtak etter forvaltningslova § 2 og kan påklagast, jamfør forvaltningslova § 28. Klagen skal sendast til Bremanger kommune, og den kommunale klagenemnda er klageinstans.  

Retningslinjer for kommunalt bustadtilskot i Bremanger kommune (PDF, 2 MB)