Eigarskifte og drift på tidlegare eigar si bevilling

• Du  må gje kommunen beskjed om at det har skjedd ei overdraging av verksemda og at du ønskjer å ta i bruk tidlegare eigars bevilling.
   
• Du må søke om ny bevilling innan lovbestemte tidsfristar:
  • Etter serveringslova må du søkje om ny bevilling innan 30 dagar etter at du inngjekk avtale om overdraging.
  • Etter alkohollova må du søkje om ny bevilling innan 30 dagar etter sjølve overdraginga.
  • Ver merksam på at du må overhalde serveringslova sin frist, dersom du skal overta ein skjenkestad, sidan ein skjenkestad alltid har både serverings- og skjenkebevilling.
     
• Det må ligg føre ei gyldig, skrifteleg avtale mellom tidlegare eigar av staden og noverande eigar. Dokumentet må vere signert av begge partar med dato. Det kan vere kjøpekontrakt, eller annan dokumentasjon på overdraging, som viser når avtale om verksemdsoverdraging vart inngått og når overdraging faktisk skjedde. Det held ikkje med overtaking av leigeforhold til lokalar der det har vore bevilling.  
   

Døme på kva som vert rekna som eigarskifte:

• Kjøps- eller salssituasjon mellom to avtalepartar
• Vesentlege endringar i eigarandelar i selskapet som innehar bevillinga
• Skifte mellom selskap i same konsern
• Skifte av selskapsform (sjølv om eigarinteressene heilt eller delvis er dei same som før)
   

Du kan sende eit brev til:

Bremanger kommune
Servicekontoret
Postboks 104
6721 Svelgen

Eller du kan sende ein e-post til: post@bremanger.kommune.no

Regelverk for sal, servering og skjenking av alkohol