Funksjonane
Gardskart reknar ut storleiken på markslaga og viser korleis dei er delt på teigane. Tenesta gjev også informasjon om erosjonsrisiko og hellingsgrad på jordbruksarealet.
I tillegg inneheld tenesta verktøy for automatisk arealberekning, utskrift, teikning og måling og lagring og nedlasting av filer.
Meir informasjon om Gardskart
Søk i Gardskart
Søk på kommunenummer 4648 eller kommunenamnet Bremanger, etterfølgt av gards- og bruksnummeret for eigedommen.
Gards- og bruksnummeret finn du på Kilden.
Endring i areal
Ved endringar i arealet på ein landbrukseigedom, må kommunen gjennomføre synfaring for å oppdatere markslaget i AR5. Under synfaring blir arealets faktiske tilstand vurdert, uavhengig av korleis det blir brukt. Det er viktig å melde frå om arealendringar i god tid før søknadsfristen for produksjonstilskot i oktober.
Gardskart blir brukt av landbruksforvaltninga for å kontrollere arealtal og markslag. Frist for synfaring og endring av markslag er i starten av august kvart år. Meld frå om arealendringar til kommunen i god tid før dette.