Tilskot til grøfting

• Systematisk grøfting
• Profilering
• Omgraving (omsnuing av jordprofilet)
• Usystematisk og tilfeldig grøfting/drenering for å tørrleggje mindre parti
• Avskjeringsgrøfting

Tiltak som allereie er starta eller sluttførte vert ikkje omfatta av ordninga.

Ein kan ikkje få tilskot dersom tiltaket fører til vesentleg skade for ein annan eigedom og naturmangfald, vesentleg fare for flaum og vassforureining eller fare for skade på automatisk freda kulturminne.
 

Føretak som eig/leiger jordbruksareal som er grøfta tidlegare eller skal grøfte planerte areal
Eigar av landbrukseigedom utan føretak kan søkje om tilskot, dersom det føregår ein produksjon på eigedomen som har rett på tilskot.

Ved nydyrking kan du ikkje søkje om tilskot til drenering, sidan dette er ein del av nydyrkingsarbeidet.
 

Søknad om tilskot til grøfting skal sendast digitalt via Altinn.

Søk om tilskot til drenering av jordbruksjord

Grøfteplan med kart og skjema for miljøvurdering eller tilsvarande miljøinformasjon skal leggjast ved søknaden.
 

Søknader blir handsama fortløpande.

Tilskotssatsar frå 1. juli 2023 er 4000 kr pr dekar og 61 kr pr løpemeter grøft.

Dersom du får innvilga tilskot må tiltaket gjennomførast innan 3 år frå tildeling. 
Du skal melde oppstart av dreneringsarbeidet, slik at kommunen kan føre tilsyn med arbeidet
Du må gje melding til kommunen om avslutta grøfting før jordarbeiding blir sett igong, slik at kommunen kan kontrollere tiltaket.
Du må sende førespurnad om utbetaling digitalt via Altinn og leggje ved rapporteringsskjema og tilleggsdokumentasjon (t.d faktura frå entreprenør, kvitteringar for kjøp av rør og anna materiell). Kommunen betalar ut det innvilga tilskotet når tiltaket er utført og dokumentasjonen for tiltaket er godkjend. 
 

• Informasjon om drenering av jordbruksjord - Landbruksdirektoratet
• Informasjon om drenering og dyrking - Statsforvaltaren i Vestland