Regionalt miljøtilskot i jordbruket (RMP)

Du kan søkje om regionale miljøtilskot til hausting av bratt eller veglaust areal, beitebruk, stølsdrift, skjøtsel av biologisk mangfald og kulturminne, miljøvenleg spreiing av husdyrgjødsel, klimarådgjeving og potet- og grønsaksproduksjon. Beitelag kan søke om tilskot til drift av beitelag. 

Oversikt over regionale miljøtilskot i Vestland kan du sjå på Statsforvaltaren i Vestland sine nettsider. 

Alle føretak som kan søkje produksjonstilskot i jordbruket og som oppfyller vilkåra for dei ulike tilskotsordningane kan søkje. 

Beitelag som er registrerte i Einingsregisteret, og som oppfyller vilkåra som vert stilte i forskrifta, kan søke om tilskot til drift av beitelag.
 

Søknad om regionale miljøtilskot skal sendast digitalt via Altinn

Søk om regionalt miljøtilskudd

Du må levere søknaden før midnatt på datoen for søknadsfristen for at søknaden skal bli rekna som levert.

Du kan også søkje på papir, men vi tilrår at du søkjer elektronisk sidan det er raskt, sikkert og reduserer risikoen for feil i søknaden. Søknad på papir må vere levert til kommunen eller postlagt på datoen for søknadsfristen for å vere levert i rett tid.

Beitelag kan berre søkje elektronisk 
 

15. oktober – søknad kan leverast frå 15.september.

Dersom du leverer søknad etter søknadsfristen vert det trekt 1000 kr av tilskotet for kvar dag fristen er overskriden. Søknader som vert levert seinare enn 14 dagar etter søknadsfristen vert avviste (etter 29.oktober).

Beitelaga har eigen søknadsfrist – 15. november.
 

• Generell informasjon om regionale miljøtilskot - Landbruksdirektoratet
• Informasjon om regionalt miljøprogram i Vestland - Statsforvaltaren i Vestland