Spreiing av husdyrgjødsel

Dersom det er spesielle hendingar eller klimatiske forhold som gjev behov for å spreie husdyrgjødsel etter 1.september kan du søkje kommunen om utsett spreiefrist. Kommunen har ikkje høve til å tillate spreiing av husdyrgjødsel seinare enn 1. oktober. 

Skriftleg søknad må sendast kommunen innan 1. september. Søknaden må opplyse om:

• Kven som søkjer, og kva eigedom det gjeld
• Grunngjeving for behovet for utsett frist
• Mengde husdyrgjødsel som skal spreiast
• Gjødseltype, og om gjødsla er tilsett vatn
• Kva areal gjødsla skal spreiast på (tal daa, og kartvedlegg som viser plassering).
• Kva spreieutstyr skal nyttast
• Er det vassdrag i nærleiken, eventuelt kva vassdrag og kor nært
   

Det finst fleire krav og verkemiddel som skal hindre ureining og medverke til god utnytting av gjødsla. I del 3 av gjødselvareforskrifta finn du informasjon om kva krav som gjeld for lagring og bruk av husdyrgjødsel.

Forskrift om gjødselvarer mv. av organisk opphav

Alle føretak som driv plantedyrking og har rett på produksjonstilskot skal ha ein gjødselplan. Gjødselplanlegginga skal gje grunnlag for god avling, avgrense avrenning til vassdrag og tap av næringsstoff til luft frå jordbruksareala. 

Gjødslingsbehovet skal vurderast ut frå jordprøveresultat (minimum kvart 4. - 8. år), avlingsnivå og vekst og gjødslingsnormer for området. 

Gjødselplanen skal innehalde ei kartskisse som tydeleg viser inndelinga i skifte. Planen skal setjast for kvart skifte, og følgjande opplysningar skal vere oppgjeve:

• Jordbruksareal i dekar
• Jordart og jordanalysar for pH, fosfor, kalium og moldinnhald
• Forgrøde
• Årets vekst
• Forventa avlingsnivå pr. dekar
• Årets gjødslingsbehov for nitrogen, fosfor og kalium pr. dekar
• Husdyrgjødsel, slam og anna organisk gjødsel
• Type
• Mengde pr. dekar og forventa spreietidspunkt
• Mineralgjødsel
• Type
• Mengde pr. dekar og forventa spreietidspunkt
• Forgrøde

Krav til gjødselplanlegginga er fastsett i forskrift.

Forskrift om gjødslingsplanlegging