Botnelabo badeplass
Ikkje langt frå sentrum i Kalvåg finn du Botnelabo. Stranda er ganske liten, men har sanitæranlegg og gratis parkering.
Grotlesanden friluftsområde
Ytst ved Grotle er den kjente Grotlesanden. Her er det tilrettelagt rullematte ned i sjøen, parkeringsplass og sanitæranlegg. Merk at det kan vere parkeringsavgift nokre tidspunkt på sommaren.
Hauesanden friluftsområde
På Davik ligg Hauesanden, ei trivleg lita sandstrand. Den ligg fint til nede ved fjorden og der er tilhøyrande sanitæranlegg.
Tusenårsstaden Gloføyk
Gloføyk i Skatestraumen er tusenårsstaden i kommunen, og er markert med informasjonsskilt som fortel om dei som budde i området i steinalderen. Stranda har sanitæranlegg og parkeringsplassar.
Vetvika
Vil du ha ein ugløymeleg badeopplevelse må du ta utfordringa og reise til Vetvika. Hit kjem du berre med båt eller ved å gå over fjellet. Sanitæranlegget er ope om sommaren, normalt frå 1. mai. Opningstidspunktet kan vere noko ulikt her, då vêret bestemmer om vi kan nå vika med båt.