Datoane for denne sesongen er 29. oktober på Hauge og 5. november i Svelgen. Du må ikkje avtale tidspunkt, og det er berre å møte opp.
Vaksinene kan takast samtidig, dersom det er ønskjeleg for pasienten og pasienten er i målgruppa for begge vaksinene.
Hugs legitimasjon dersom du ikkje kan fødselsnummeret ditt utanåt.
Hauge: 29. oktober
Møt opp i Bremangerhallen ved Hauge oppvekst kl. 12–18. Adressa er Bjørsvika 1, 6727 Bremanger.
Det er ikkje sette opp liste eller delt inn i område. Du møter derfor berre opp når du har høve.
Svelgen: 5. november
Vaksinasjonen føregår mellom kl. 12 og 18 i idrettshallen ved Svelgen oppvekst. Adressa er Gunnar Schjelderups veg 31, 6723 Svelgen.
Her er det sett opp tidspunkt for dei ulike grendene rundt Svelgen for å unngå lang kø. Du kan møte opp på andre tidspunkt, men då må du rekne med lengre ventetid.
Inndeling for Svelgen idrettshall
kl. 12.00–13.30: Svelgen sentrum
kl. 13.30–15.00: Årebrot, Botnane, Myklebust, Gulevegen, Kringomvegen og Krokvegen
kl. 15.00–16.30: Rugsund, Leirgulen, Davik og Ålfoten
kl. 16.30–18.00: ope tidspunkt for andre
Målgruppene
Influensavaksine er anbefalt for:
- Alle over 65 år.
- Gravide frå veke 12, og i 1. trimester med tilleggsrisiko.
- Premature born (særleg før veke 32) frå 6 månadar til 5 år.
- Personar med:
- Kronisk lungesjukdom.
- Hjarte- og karsjukdom.
- Diabetes type 1 og 2.
- Leversvikt eller nyresvikt.
- Nevrologisk sjukdom eller skade.
- Nedsett immunforsvar.
- Alvorleg overvekt (KMI over 40).
- Anna alvorleg sjukdom etter legevurdering.
FHI: målgruppene for influensavaksine
Oppfriskningsdose av koronavaksine er anbefalt for:
- Personar 65 år og eldre, og sjukeheimsbebuarar.
- Personar 18–64 år i risikogrupper.
- Ungdom 12–17 år med alvorleg grunnsjukdom.
- Born 6 månadar–11 år med alvorleg grunnsjukdom etter vurdering frå lege.
- Gravide i 2. og 3. trimester (1. trimester ved tilleggssjukdomar).
FHI: målgruppene for koronavaksine
Dersom du har spørsmål kan du ta kontakt med Anita Brevik, driftssjef for Familie og helse.