Koordinerande eining

Individuell plan (IP) skal bidra til at tenestemottakaren får eit heilskapleg, koordinert og individuelt tilpassa tenestetilbod.

IP skal styrke samhandlinga mellom tenesteytar, tenestemottakar, eventuelt pårørande og etatar innan eit forvaltningsnivå- eller på tvers av forvaltningsnivå.

Koordinator er en tenesteytar som skal sikre nødvendig oppfølging og samordning av tenestetilbodet samt framdrift i arbeidet med individuell plan. Koordinator oppnemnast i forbindelse med individuell plan, men skal også tilbydast sjølv om vedkomande takkar nei til individuell plan. Formålet med koordinator er det same som for individuell plan. 

Måla, ressursane og behova for tenester skal avklarast. Vidare skal det gjerast ei vurdering om tiltaka skal koordinerast.

 

Barnekoordinator skal sørge for at barnet, ungdomen og familien får infomasjon og heilskapeleg veiledning om helse og omsorsgstenestetilbodet og andre velferdstenester. 

For å ha rett til barnekoordinator:

• må famlien ha eller vente born med alvorleg sjukdom, skade eller nedsett funksjonsevne og
• ha behov for langvarige og samansette eller koordinerte helse og omsorgstenester

Nasjonal rettleiar om barnekoordinator

 

Alle som har behov for koordinerte tenester etter helse- og omsorgstenestelova, spesialisthelsetenestelova og lov om psyisk helsevern har rett til å få utarbeida individuell plan, IP.

Du nyttar søknadsskjema for helse- og omsorgstenester i Bremanger kommune.

Elektronisk søknadsskjema

Søknadsskjema på papir (PDF, 123 kB)
Søknad skal sendast til:
Bremanger kommune
Koordinerande eining v/Hege Rosvoll
Postboks 104
6721 Svelgen

Kontaktinfo:

Telefon: 959 82 933
E-post: koordinerande.eining@bremanger.kommune.no

• Helse- og omsorgstenestelova