Fritidskortet

Fritidskortet er eit tilbod som let alle barn og unge frå 6 til 18 år nytte minst eitt fritidstilbod gratis i året. 

Barn og unge skal ha lik moglegheit til å bli med på fritidsaktivitet, uavhengig av familien sin økonomi. Derfor tilbyr vi fritidskortet: ein sum på 2200 kr som skal dekke medlemsavgift og kontingentar på fritidsaktivitetar som idrettslag, kulturskule, 4H og liknande for barn i Bremanger kommune. 

Bremanger kommune opnar for betaling via fritidskortet 1. februar 2025. Fram til då er det viktig at lag, organisasjonar og føresette lagar seg ein konto på nettstaden Friskus slik at ein kan dra nytte av tilbodet. 

Fritidskortet finn du i Friskus

Kommunegrenser

Dersom det er eit fritidstilbod i nabokommunane som ikkje har tilsvarande tilbod i Bremanger, kan du be dei om å leggje seg inn i Friskus. Dei vil då kunne ta imot betaling via fritidskortet frå Bremanger-barn på lik linje som andre lag og organisasjonar innan kommunegrensene. 

Treng du hjelp?

Rettleiar i Friskus for brukar (PDF, 49 kB)

Rettleiar i Friskus for arrangør (PDF, 45 kB)

Friskus har også ei rettleiingsside på bokmål. 

Du kan også kontakte kommunen på tlf. 57 79 63 00 om du har spørsmål.