Vi har bustadtomter til sals fleire stadar i den flotte kommunen vår. Dette kan vere tomter i både eldre og nyare bustadfelt.
Er du på jakt etter bustadtomt?
Bremanger kommune har kommunale bustadtomter i fleire delar av kommunen. Prisane på tomtene kan variere, og vert som hovudregel fastsett med utgangspunkt i utbyggingskostnadene for den perioden det einskilde bustadfeltet vart utbygd. I nokre områder med lite etterspurnad har ein gjennom politiske vedtak fastsett nye «subsidierte» prisar på tomtene. Eit viktig prinsipp ved fastsetting av tomtepris har vore at tomtene skal seljast til sjølvkost. Gjennom dette prinsippet har kommunen ikkje noko forteneste på tomtene.
Bremanger kommune ynskjer at innbyggarar og tilflyttarar skal få høve til å kjøpe rimelege tomter til ein pris som ikkje er marknadsstyrt.
Oversikt over ledige bustadtomter
Her kan du sjå prospektet over kommunale bustadtomter til minstepris.
Prospekt (PDF, 9 MB)
Retningslinjer for kjøp av tomt til minstepris
- Ved kjøp av tomt til minstepris må kjøpar ha sendt inn byggesøknad til kommunen, i samsvar med reguleringsplan, innan eitt år.
- Tomter som ikkje blir byggesøkt innan fristen på eitt år blir kjøpt tilbake til Bremanger kommune.
- Tomtene blir selde “som dei er”.
- Der det ikkje er infrastruktur må tiltakshavar ordne med framlegging av infrastruktur sjølv.
Framgangsmåte for sal av tomtene
- Frist for innsending av bod på tomtene vert sett til 15. oktober kl. 23.59.
- Bod skal sendast til kommunalsjef Karl-Vidar Førde på e-post karl.vidar.forde@bremanger.kommune.no innan fristen. Det må komme tydeleg fram i e-post frå bydar kva tomt det blir sett fram bod på.
- Dersom det ved bodfristen ligg føre fleire bod på same tomt, vil aktuelle bydarar bli informerte per e-post om at det er fleire interessentar.
- Det vert då sett ein ny bodfrist (til dømes påfølgjande dag), og bodrunden held fram til ein endeleg vinnar er kåra.
- Når høgste bodgjevar er avklart, tek Eigedomsmegler 1 over prosessen og gjennomfører det formelle salet.
Obs: Kostnader knytt til oppmåling og tinglysing av tomta vert belasta kjøpar.
Ingen ledige bustadtomter for augeblikket.
Alle søknadar om å få tildelt bustadtomt skal vere skriftleg.
Nedanfor har vi lista opp nokre av vilkåra ved sal av bustadtomtar:
- Ved førstegongs utlysing av nye tomtar vert det i kvart enkelt tilfelle presentert ein eigen søknadsfrist
- Øvrige tomtar vert seld etter prinsippet om «først-til-mølla»
- Tomta skal bebyggast innan 2 år. Om ikkje dette vert oppfylt har kommunen ein tilbakekjøpsrett
- Tomteprisane er i utgangspunktet fastsett, men vil i nokre tilfelle kunne avvikast om gode grunnar tilseier det
- Tomtesøkjar må være ein privatperson over 18 år og kan ikkje eige kommunal ubebygd tomt frå før
- Kjøpar pliktar å gjere seg kjent med reguleringsføresegnene for området der tomta ligg
- Endeleg pris vert fastsett når tomta er oppmålt (tomtane varierar noko i storleik)
- Tilknytingsavgift for vatn i privat vassverk kjem i tillegg
- Tilknytingsavgift for elektrisitet er ikkje inkludert
Publisert 05.06.2024 15.04
Sist endra 18.08.2026 11.11