NVE og Bremanger kommune har mottatt melding med forslag til plan- og utgreiingsprogram frå Guleslettene Vindkraft AS om fortetting og utviding av Guleslettene vindkraftverk med tilhøyrande nettilknyting.
Plansaka vert handsama etter plan- og bygningslova av Bremanger kommune og konsesjonssaka vert handsama etter energilova av NVE. Meldinga med framlegg til plan- og utgreiingsprogram er utarbeida som felles dokument som er tilgjengeleg på NVE sine nettsider www.nve.no/87/A og på kommunen sine nettsider https://bremanger.kommune.no/. På førespurnad er dokumenta tilgjengelege for offentleg ettersyn i hallen på rådhuset i Svelgen.
Guleslettene vindkraftverk består i dag av 47 vindturbinar, og har ein årleg kraftproduksjon på om lag 700 GWh/år. Guleslettene Vindkraft AS planlegg å utvide vindkraftverket med inntil 14 vindturbinar, og dette kan auke den årlege energiproduksjonen med om lag 175 GWh. Vindturbinane som er planlagde bygde, er av same type som finst i vindkraftverket i dag.
Planområdet er markert med blått i kartet, og omfattar delar av det eksisterande vindkraftverket og ei lita utviding i aust. Det er planlagt å nytte eksisterande tilkomstveg. Nettilknytinga er planlagd med ein 132 kV kabel frå ein ny intern transformatorstasjon til Magnhildskaret transformatorstasjon.
Offentleg møte 2. juni
NVE og Bremanger kommune held offentleg møte om saka tysdag 2. juni kl. 18.00.
Møtet finn stad i Svelgen Samfunnshus, Gunnar Schjeldrups veg 12c, 6723 Svelgen. Møtet er ope for alle.
Høyringsfråsegn til både oppstart av planarbeid og melding med forslag til plan- og utgreiingsprogram kan sendast skriftleg til NVE via skjema.
Uttale til både planforslaget og konsesjonssøknaden sendast skriftleg til NVE via skjema på www.nve.no/87/A eller på e-post nve@nve.no (merk med saksnummer 202511486) seinast innan 10. juli 2026.
Melding med forslag til plan og utredningsprogram_05.05.2026.pdf (PDF, 7 MB)
Høyring av melding og planprogram - Fortetting av Guleslettene vindkraftverk.pdf (PDF, 2 MB)