Ved Svelgsvatnet vil vegen kunne vere stengd i inntil to timar om gongen i tidsrommet måndag–laurdag kl. 07–19.
Nødetatar skal kunne passere på kort varsel. Stengeregimet vil bli tilpassa passeringstidspunkta for buss i rute, i tråd med gjeldande rutetabell. Informasjon om stengeregimet vil bli publisert på 175.no.
Stengetider
Tidspunkt for gjennomslipp:
- 08.00
- 10.00
- 12.00
- 13.20
- 15.10
- 15.40
- 17.40
- 18.10
Stengetider– Vi gler oss til å få sikringa på plass, og så skjønar vi at arbeidet vil vere ei belastning for trafikantane i perioden. Men tryggleik må kome først både for trafikantar og arbeidarar, og stengingar må til. Vi vil gjere det vi kan for å gjennomføre arbeidet så effektivt og trygt som mogleg, seier Kristoffer Flaten, byggeleiar i Vestland fylkeskommune.
Arbeidet omfattar i hovudsak reinsk av fjell og sikringstiltak for å redusere skredfaren på strekninga. Her kan mellom anna komme stein, is og anna nedfall ned i vegbana, også når arbeidet pågår. Følg med på vegmeldingar på 175.no eller i vegvesen trafikk-app når det nermar seg.