Postliste og innsyn

All post som vert sendt til Bremanger kommune er i utgangspunktet offentlege dokument. Det betyr at brev og e-postar som vert sendt til kommunen vert offentleggjort på postlista vår. Brev som inneheld personsensitive opplysningar vert unnateke offentlegheita, og kan dermed ikkje lesast.  

Kva finn du på postlista?

Postlista gjev ei oversikt over inngåande og utgåande brev som kommunen mottek kvar dag. Dokumenta vert lagt ut på heimesida under fana Innsyn tre arbeidsdagar etter at dei er kontrollert av arkivet. Dokument er i denne samanheng brev, e-post, SMS, meldingar i ulike sosiale medium m.m. Det er reglane i offentleglova som avgjer om dokumenta er opne for alle.

Postlista vert oppdatert kvar vekedag.

Saker til politiske utval finn du ved å besøke møteplanen vår her. 

Bremanger kommune brukar sak/arkivsystemet Acos websak. I dette programmet ligg fleire arkivseriar (gruppering av dokument). Dokument i arkivseriane saksarkiv, gards- og bruksarkiv, planarkiv og møtearkiv vert lagt ut på postlista.  

Dokument på postlista vert liggjande i to år.  

Søk i postlista her

Kva finn du ikkje på postlista?

Det du finn på postlista er berre ein avgrensa del av kommunen sine samla dokument.

Korleis søkje innsyn i eit dokument?

Dersom du ønskjer innsyn i eit dokument som ikkje er offentleg på postlista, kan du søkje om innsyn ved å klikke på knappen «Bestill dokument».  

Dersom det gjeld innsyn i eiga elevmappe, journal eller liknande, skal du søkje om innsyn via elektronisk skjema her.  Teiepliktige opplysningar og personsensitive opplysningar skal ikkje sendast på e-post.

Lover og reglar