Du kan melde deg på her, og ved hjelp av QR-koden nedanfor:
NordfjordTreffet 2026
Her ser du kva som skal skje:
Programmet for NordfjordTreffet 2026Lauritzen held foredrag i samfunnshuset
Den mest kjende av dei tilreisande er medieprofilen Dag Otto Lauritzen. Tysdag 31. mars klokka 16.30 har han foredrag i Svelgen samfunnshus med vekt på energi, humor og sterke historier. Det er gratis inngang for alle som vil oppleve dette. Foredraget er på ca. ein klokketime.
NB: Det er maks 300 ledige plassar i salen. Difor må interesserte melde seg på via denne lenka hos Inviro:
Påmelding NordfjordTreffet 2026 – Gjest
Samlar regionen på Idrettshuset
NordfjordTreffet er eit årleg arrangement som samlar næringslivet frå heile Nordfjord. I fjor var arrangementet i Måløy. I år er det Svelgen som er staden.
Då kjem ca. 60 bedrifter på besøk til Idrettshuset i industribygda for å ha stand der. Arrangementet er delt i to.
Næringslivet i regionen skal først på omvising med Elkem Bremanger, før dei skal ha eit fagleg opplegg med dagleg leiar Linda Hovland frå Framtidsfylket.
Andre del i Svelgen er open for publikum. Ettermiddagen startar i Svelgen Samfunnshus med foredraget til Lauritzen, før det blir utdeling av Nordfjordprisane. Deretter opnar dørene på Idrettshuset der 60 bedrifter frå heile Nordfjord skal vise fram kva næringslivet i regionen har å tilby.
Motivet er frå eit tidlegare arrangement.