Heim og barnehage

Bruk av Vigilo i barnehagar

Vigilo Foresattportal gir høve til digital kommunikasjon mellom føresette og tilsette og har følgjande tilgjengelege funksjonar:

• Nyheiter
  Under nyheiter kan du sjå publiserte innlegg, bilde og rutinar frå barnehagen din. 
• Meldingsteneste
  Du kan både sende og gje nødvendig informasjon om barnet ditt til barnehage via meldingstenesta. I meldingar som du sender til barnehagen kan du legge ved eventuelle vedlegg. Meldingar du sender til barnehagen har alle dei tilsette innsyn i. Unngå derfor å sende sensitiv informasjon. Eksempel på sensitiv informasjon er opplysingar om helse, problematiske tilhøve i barnehagen, andre barn sitt namn, individuelle tilpassingar og enkeltvedtak. 
• Fråværsmelding 
  Du kan sende fråværsmeldingar til barnehagen når barnet ditt har fri eller er sjuk, slik at dei tilsette får rask informasjon om dette. Det vil samtidig og automatisk bli registrert fråvær på barnet i barnehagen si oversikt. 
• Søknadar
  Viser oversikt over dine søknadar om barnehageplass. 
• Barnehageplassar
  Viser oversikt over gjeldande barnehageplass(ar). Har kan du i tillegg søkje om å endre plasstorleik eller seie opp plassen. 
• Helse
  Her kan du registrere og oppdatere eventuelle allergiar som barnet har. Sjå denne hjelpeartikkelen for å få meir informasjon om kvar enkelt av funksjonane.
• Innstillingar 
  Under innstillingar kan du velje kva for varslar du ønskjer å tillate, du kan velje språk og laste opp ditt eige profilbilde. Du kan også sjå informasjon om appen og personvern og gå direkte til brukarstøtte.