Alle barn har rett til eit trygt og godt miljø

Dersom ein tilsett er den som krenker barnet/ eleven har barnehagen/skulen eit ekstra ansvar for å følgje opp saka. Det er strengare krav til å varsle, undersøkje, og sette inn tiltak. Driftssjef må òg varsle skuleeigar (kommunen), som vil følgje opp saken vidare, med mindre meldinga er openbert grunnlaus.

Dersom det er ein i leiinga som står bak krenkingane, skal skuleeigaren varslast direkte. 

Dersom du eller barnet ditt meiner at skulen ikkje har gjort nok for at eleven skal ha eit trygt og godt skulemiljø, kan du melde saka til statsforvaltaren.

Før du melder saka til statsforvaltaren:

• må du ha tatt opp saka med driftssjef på skulen
• må det ha gått minst ei veke frå du tok opp saka med driftssjef

Saka må i tillegg gjelde skulemiljøet på den skulen eleven går på no.

Er det heilt spesielle tilfelle, kan du uansett ta kontakt med statsforvaltaren. Du må ta kontakt med Statsforvaltaren i Vestland.

Kva kan statsforvaltaren gjere?

Kjem statsforvaltaren til at skulen ikkje har gjort det dei skal, kan statsforvaltaren påleggje kommunen å rette forholdet. Dersom saka blir unødig forseinka, eller dersom det er grunn til å tru at kommunen ikkje kjem til å rette forholdet, kan statsforvaltaren vedta kva skulen skal gjere for at eleven skal få eit trygt og godt skulemiljø. Statsforvaltaren kan vedta reaksjonar etter skulereglane eller vedta at ein elev skal byte skule.

Statsforvaltaren vil setje ein frist for gjennomføring og følgje opp saka.
 

På nullmobbing finn du informasjon om kva rettar elevar og foreldre har, og kva ein kan gjere dersom ein elev opplever å ikkje ha et trygt og godt skulemiljø.  Ein kan og finne info på Udir sine sider under Barnehage- og skulemiljø.