Tidleg og utsett skulestart

Dersom du/de meiner at barnet ditt/dykkar kan byrje på skulen eit år tidlegare enn normalt, er det mogleg å søkje om dette dersom barnet har fylt 5 år innan 1. april. 

Søknad om tidleg skulestart bør sendast i løpet av hausten året før de søkjer om skulestart for barnet, både av omsyn til barnet og for å sikre rimeleg tid til sakshandsaming.

Kva skjer vidare?

Kommunalsjefen vil be Pedagogisk psykologisk teneste (PPT) om å gjere ei sakkunnig vurdering. Kommunalsjefen fattar deretter vedtak med bakgrunn i den sakkunnige vurderinga.

Lova gjev ingen rett til framskunda skulestart, men kommunen kan gje slikt løyve dersom PPT tilrår dette.  Viktige moment er om barnet er sosialt moden og har gode faglege føresetnader. Det er få tilfelle der søknad om framskunda skulestart vert imøtekomen.

Dersom søknaden kjem seint (etter påske), slik at det vert lite tid til å førebu barnet på tidleg skulestart, er dette eit moment som kan tilseie at søknaden ikkje vert imøtekomen.

Dersom du/de meiner at barnet ditt/dykkar har behov for et ekstra modningsår før skulestart, er det mogleg å søkje om dette. 

Søknad om utsett skulestart bør sendast i løpet av hausten året før ordinær skulestart av omsyn til barnet og for å sikre rimeleg tid til sakshandsaming. 

Søknaden bør uansett sendast i god tid før 1. mars (søknadsfrist for hovudopptak i barnehagane), slik at foreldre i god tid kan avklare/søkje eventuell barnehageplass for barnet komande barnehageår.

Kva skjer vidare?

Kommunalsjefen vil be Pedagogisk psykologisk teneste (PPT) om å gjere ei sakkunnig vurdering. Dersom det er tvil om barnet har kome tilstrekkeleg langt i si utvikling til å byrje i skulen, har barnet rett til utsett skulestart. 

Kommunalsjefen fattar vedtak med bakgrunn i den sakkunnige vurderinga.