Eigedomsskatt 2026

I samband med handsaming av budsjett 2026 – økonomiplan 2026-2029 har Bremanger kommunestyre vedteke utskriving av eigedomsskatt for 2026.

Då det er 10 år sidan siste taksering har kommunestyret og vedteke å gjennomføre ei kontorjustering på 10% for skatteåret 2026.

For bustad og fritidsbustad er botnfrådrag pr. bueining set til kr. 250 000,- og skattesatsen er redusert frå 2 til 1 promille.

I økonomiplanen er eigedomsskatten på bustad og fritidsbustad fjerna frå 2027.

Når det gjeld næring, energianlegg og anlegg i sjø er skattesatsen framleis 7 promille. Her er det ikkje lagt opp til endringar i økonomiplanperioden.

Eigedomsskattelista til offentleg gjennomsyn

Eigedomsskattelista skal ligge ute til offentleg gjennomsyn i minst 3 veker etter at det er kunngjort at list er lagt ut.

Skattelista for 2026 er lagt ut til offentleg gjennomsyn onsdag 18. februar til fredag 13. mars 2026.

Skattelista viser dei skattepliktige eigedomane med adresse, matrikkelnummer (gards- og bruksnummer), eigedomsskattetakstane, skattesatsen og utrekna eigedomsskattebeløp.

Klage på eigedomsskatten

Klagefrist er 6 veker frå kunngjeringsdato. For 2026 er klagefristen 1. april.

Klage på fastsett eigedomsskattetakst kan fremjast kvart år i samband med den årlege utskrivinga av eigedomsskatt, dersom det ikkje er klaga på same grunnlag tidlegare år.

Søksmål om gyldigheit av vedtak kan ikkje reisast utan at klageadgang vert nytta.

Klagefrist 2026: 1. april.

Lover og forskrifter

Forvaltningslova

Skatteetatens berekna marknadsverdi

Det er ikkje lenger naudsynt å sende klage til Skatteetaten. Du kan sjølv endre grunnlaget for eigedomsskatten i skattemeldinga.

Eventuell klage etter kommunale takster skal rettast til eigedomsskattekontoret

Klage skal sendast skriftleg til Bremanger kommune, Postboks 104, 6721 Svelgen eller sendast elektronisk her.

Konsesjonspliktige eigedomar

Utsetting, nedsetting eller ettergjeving av eigedomsskatt

Skattytar kan søkje skatteinnkrevjaren om kortvarig utsetjing med betaling av utlikna eigedomsskatt, og formannskapet om langvarig utsetting, nedsetting eller ettergjeving.

Ein grunn til nedsetting eller ettergjeving kan være at skattyter på grunn av sjukdom har fått reduserte inntekter og i tillegg ikkje har formue å betale eigedomsskatten med. Eit anna eksempel kan være brann eller annen øydelegging av bygningen før omtaksering. Utsetting kan for eksempel være aktuelt til eit dødsbu er overtatt til privat skifte eller det er opna offentleg skifte.

Lover og forskrifter

Lov om eigedomsskatt

Lenkjer

Publisert 07.06.2024 10.36

Sist endra 02.03.2026 13.59