EtablerarprøveDersom du skal vere dagleg leiar på ein serveringsstad må du ha bestått etablerarprøva i serveringslova og vere over 18 år. Kor kan du ta etablerarprøva? Prøva tek du på servicekontoret på rådhuset. Ta kontakt for å avtale tid på telefon 57 79 63 00. Gjennomføring av prøva? Ta med gyldig legitimasjon (pass, førarkort eller bankkort med fødselsnummer og bilete). Prøva er ei fleirvalsprøve på 90 minutt. Du må svare riktig på 40 av 50 spørsmål. Prøva er på norsk. Du kan ikkje ha med tolk eller bruke ordbok. Du kan bruke lov- og forskriftstekstar som hjelpemiddel. Prøva er elektronisk. Du kan ta prøva på nytt heilt til du består. Har du spesielle behov slik at du treng tilrettelegging? Dersom du treng tilrettelegging, til dømes ved dysleksi, kan du få utvida tid med inntil 30 min. til å gjennomføre prøva. Dette må dokumenterast. Informer gjerne om dette når du avtalar tid for prøve. Prisar Det kostar kr 400 for å ta etablerarprøva. Du får tilsendt faktura frå økonomikontoret i ettertid. Kva kunnskap må du ha for å gjennomføre prøva? Prøva er basert på læreboka "Læremateriell - Etablererprøven for serveringsvirksomheter". Du kan kjøpe boka og anna materiell hos Vinn Diplom/bevis Alle som består etablerarprøva får eit prøvebevis, dette er det er viktig å ta vare på. Det er dokumentasjon på at du har naudsynt kunnskap om serveringslova. Diplomet/beviset er gyldig på ubestemt tid. Det vert sendt til deg i etterkant. Lovar og reglar Serveringslova