Du kan få parkeringskort som bilførar eller som passasjer.
Når parkeringskortet ditt har gått ut på dato, må du søkje på nytt.
Parkeringskortet er gyldig i 2-5 år.
Parkeringskort for bilførar:
To vilkår må vere oppfylt for å få parkeringskort som bilførar:
Du kan ikkje gå, eller har store vanskar med å bevege deg over ei viss lengde. Ei legeerklæring skal dokumentere dette. Erklæringa dannar det medisinske grunnlaget for vurderinga.
Du må ha eit særleg behov for å kunne parkere nær bustad, arbeid og/eller anna aktivitet. I søknaden din må du få fram opplysningar som tilseier at du har eit særleg behov for parkeringslette. Det vil seie at du må beskrive kvifor du ikkje kan nytte parkeringsplassane på stadene du ofte besøker.
Parkeringskort for passasjer:
Tre vilkår må vere oppfylt for å få parkeringskort som bilførar:
Du kan ikkje gå, eller har store vanskar med å bevege deg over ei viss lengde. Ei legeerklæring skal dokumentere dette. Erklæringa dannar det medisinske grunnlaget for vurderinga.
Du må ha eit særleg behov for å kunne parkere nær bustad, arbeid og/eller anna aktivitet. I søknaden din må du få fram opplysningar som tilseier at du har eit særleg behov for parkeringslette. Det vil seie at du må beskrive kvifor du ikkje kan nytte parkeringsplassane på stadene du ofte besøker.
Du må ha behov for tilsyn/regelmessig hjelp av bilførar utanfor bilen. Legeerklæringa skal dokumentere dette.
Det er når du treng hjelp til forflytning eller at du ikkje kan etterlatast åleine (for eksempel på venterommet) medan bilførar parkerer bilen, at du får tildelt parkeringskort som passasjer.
Som passasjer kan du nytte deg av eit kort stopp for av- og påstigning på parkeringsplass reservert for forflytningshemma, og på stader med parkering forbode. Det er ikkje naudsynt med parkeringskort for å gjere dette.
Om søknaden
Din søknad:
I søknaden må du få fram opplysningar som tilseier at du har eit særleg behov for parkeringslette. Det vil seie at du må beskrive kvifor du ikkje kan nytte parkeringsplassane på stadene du ofte besøker. I søknadsskjemaet er det tatt med ulike forhold vi treng svar på. Det anbefalast at du fyller det ut nøye, slik at vi får eit godt bilde av ditt behov.
Saman med søknaden må du levere (kan ettersendast):
Legeerklæring: Legeerklæringa skal vere godt utfylt med opplysningar om din medisinske situasjon, diagnose, om du nyttar hjelpemiddel, samt kor mange meter du eventuelt kan gå med og utan hjelpemiddel. Den skal dokumentere at du ikkje kan gå, eller har store vanskar med å bevege deg over ei viss lengde. Erklæringa dannar det medisinske grunnlaget for vurderinga.
Ved søknad som passasjer, må det gå fram av legeerklæringa at du har behov for tilsyn/regelmessig hjelp av bilførar utanfor køyretøyet.
Bilete i passfoto storleik.
Kopi av gyldig førarkort (dersom du søkjer som bilførar).
Søknaden vert ikkje handsama før all dokumentasjon er motteken.
