Står du i manntalet?

Korleis sjekke?

For å undersøkje om du står i manntalet, kan du ta kontakt med Servicekontoret på tlf. 57 79 63 00, eller du kan sjå i manntalet som er lagt ut på Rådhuset i Svelgen. 

Har du flytta?

Har du flytta, og melding om flytting ikkje er motteken i folkeregisteret innan 30. juni, står du framleis i manntalet i den kommunen du flytta frå. Då kan du velje om du vil røyste på valdagen i den kommunen du flytta frå, eller du kan førehandsrøyste i kva som helst kommune i Noreg. 

Krav om retting

Dersom du meiner at du sjølv, eller andre, urett er innført eller utelaten frå manntalet, kan du krevja at valstyret rettar opp feilen. Krav om retting gjeld i høve til feil, ikkje flyttingar etter 30. juni 2023. 

Krav om retting skal vere grunngjeven skriftleg som e-post eller brev. Du kan sende kravet hit:
hj@bremanger.kommune.no eller:
Valstyret i Bremanger v/Hilde J. Midtbø
Postboks 104
6721 Svelgen