Viktig at alle som kjem registrerer seg!
Meld frå til kommunen ved privat bustad.
Ukrainarar med familie og vener i Norge kan på eiga hand ha funne innkvartering i ein bustad.
Det er viktig at dette vert formalisert ved registrering slik at kommunen avtalar busetting med IMDi.
Dette vil gje den enkelte person rett til norskopplæring og introduksjonsprogram, mens kommunane vil få rett til integreringstilskot. Les om sjølvbusetting.
Nasjonalt Ankomstsenter i Råde kommune er i utgangspunktet første stoppestad for asylsøkjarar som kjem til Norge. Ankomstsenteret er underlagt Utlendingsdirektoratet (UDI).
Her blir asylsøkjarane registrert, dei får ei helseundersøking og informasjon om asylprosessen. Ukrainske statsborgarar som alt er i Noreg og har ein stad å bu, treng ikkje reise til Nasjonalt Ankomstsenter for å registrere seg, men må melde frå til kommunen.
Ordningar for regionale registreringssenter vil bli oppretta.
Publisert av Kristoffer Mandelid Totland
Publisert 10.03.2022 12.24
Sist endra 10.03.2022 12.24